Tolosako Udal Musika eskolako ikasleen bandak kontzertua eskainiko du, gaur, 20:30ean Musika Eskolako areto nagusian. Flauta, oboea, klarinetea, saxoa, perkusioa, tronpa, tronpeta, bonbardinoa, tuba eta tronboia joz ikusi ahalko dira ikasleak, Migel Angel Morenoren zuzendaritzapean. Kamara bandak Gallito, Money, money eta Picador march abestiak joko ditu, eta Kamara banda eta ikasleen bandak, berriz, Iruñatarra, Mamma mia, The Thunderer, Super Trouper eta Txikia.