Tolosako Udalak Emakumeon plaza inauguratu du, "indarkeria matxismoaz hildako emakumeen eta borrokan jarraitzen duten emakumeen omenez". Tolosako apeaderoaren aldamenean kokaturik, herriko puntu beltzetako bat zen hau, eta Ibai Iriarte alkateak adierazi bezala, "gune argi eta seguruagoa da gaur egun". Tolosan eraildako azken hiru emakumeen senitartekoak ere izan dira ekitaldian: 2009an Durangon hildako Izaskun Jimenez, 2010ean Tolosan hil zuten Elena Cal eta aurten hil duten Caridad Rodrigez. "Denbora gutxian pertsona gehiegi joan zaizkigu biolentzia matxistaren ondorioz", adierazi du Iriartek. "Euskal Herrian aurten 5 emakume hil dizkigute, eta milaka dira salaketak jartzen dituztenak eta beste asko salaketa jarri gabe isilpean sufritzen dutenak", gehitu du. Era berean, Espainiako gobernuaren azken erabakiaren gaineko salaketa ere egin du, "justizia ordaindu egin beharko delako, eta eraso asko isilaraziko dituelako".
Bada, Emakumeen aurkako indarkeriaren aurkako egunaren harira antolaturiko ekintzetan parte hartu duten guztiak eskertu ditu, eta bide horretan, guztiak bat eginik, jarraitzeko beharra nabarmendu du.