Iragan irailaren 16an, Ingalaterran ironman distantziako Challenge Henley triatloian parte hartu zuen Egoitz Zalakain tolosarrak, zortzigarren postua erdietsiz. 3,8 kilometro igerian, 180 kilometro bizikletaz eta 42,2 kilometro lasterka egiteko, 8 ordu eta 58 minutu behar izan zituen.
Zalakainek azaldu bezala, bizikletaz arazo mekaniko batzuk izan zituen, eta denbora pixka bat galdu zuen horren ondorioz, baina, hala ere, «gustura» dago lortutakoarekin, «oso maila altua» izan baitzen.
Tolosarrak Kopenhageko ironmana egin zuen abuztuan, zazpigarren amaituz. Ingalaterran egin berri duena ironman distantziako urteko azkena izango da.