Jose Manuel Ugarte Oria (Tolosa, 1937), bere bizitzaren zatirik handiena jaioterritik kanpo eman arren, tolosarra dela nabarmendu du elkarrizketaren hasieran eta bukaeran. Parisen urte batzuk egin ondoren, Mexikon daramatza 46 urte. Lanean eta beste gauza asko egiten: Euskal Etxean, San Ignacio-Vizcainas eskolako patronatuan, txistua jotzen du, irakurtzen, bidaiatzen, margotzen…Tolosaldeko eta Leitzaldeko Hitza berarekin bildu da, eta elkarrizketa kaleratuko du bihar, papereko edizioan. «Hor dabilen tolosar bat naizela jar ezazu», esanez agurtu gaitu elkarrizketaren bukaeran.