Jack Londonen arrastoari segiz, Javier Reverte bidaiari eta idazleak Kanada eta Alaskako eremu basatietara bidaia egiteko proposamena luzatuko du, gaur, Tolosako Topic zentroan, 19:30ean. Aurtengo Amalur jardunaldien azken hitzaldia izango da, ‘Ur bideak’ izenekoa.
Revertek Yukon: el río de la luz hitzaldia emango du, eta antolatzaileen esanetan, «toki mitiko bat deskubrituko dugu, bidaiarien irudimena pizten duten istorioen oihartzunez betea». Ibaian 750 kilometrotik gorako nabigazioa osatu zuen Revertek, eta bidaiako bizipenak kontatuko ditu.