Tolosako Norvegiarren parkea izan da aurtengo Zuhaitz Eguneko guneetako bat. Bertan, lore horidun 17 magnolia landatu dituzte. Lehen Hezkuntzako gazteak jolasean aritu behar ziren Iurre auzoan, zentzumenarekin esperimentatuz, hitzekin jolastuz, eta mimikaren bidez, baso bihurtuz, baina elurragatik, bertan behera geratu da. Udaleko Ingurumen sailak Ingurumen eskolarekin batera antolaturiko ekintza Inauterien ostean egingo dutela adierazi dute.
Bestalde, Trianguloa plazan, era guztietako zuhaitz, zuhaixka, bonsaia eta landareak izan dira eskuragarri. Denera, Euskal Herri osoko 16 mintegik hartu dute parte aurtengo Zuhaitz Eguneko azoka berezian. Era berean, informazio puntua ere jarri du udalak plazan bertan, Tolosako zuhaitzak eta landaredia ezagutarazteko helburuz.