Datorren asteazkenean, urtarrilak 25, aparteko osoko bilkura izango da, 19.30ean, Tolosako batzar aretoan. Kutxako kontseilari orokorra aukeratzeko bidean, beste udal batzuekin elkartzeko proposamena onartzeko deitu du, Ibai Iriarte alkateak, batzarra.
Asteazkenean udal ordezkarien herenaren quorumik ez balego, bigarren deialdian egingo lukete bilera, bi lanegun beranduago, ordu berean; gai zerrenda ere bera izango da.