Tolosako Udalak langabezian dauden edo gizarte baztertzea pairatzen duten 62 lagun kontratu ditu lanerako. Eusko Jaurlaritzako Enplegu Sailak eta Lanbide–Euskal Enplegu Zerbitzuak sustatu dute programa hau, eta honako ezaugarriak biltzen dituzten herritarrei begira sortu dute: Euskal Autonomia Erkidegoan erroldatuta egonda lanik ez dutenei eta langabezia saririk jasotzen ez dutenei begira, eta baita Diru-sarrerak Bermatzeko Errenta jasotzen dutenei begira ere.
Lan hauetako batzuk 3 hilabetekoak izango dira, eta beste batzuk, berriz, 6 hilabetekoak. Hiri agenteak, Azoketako agentea, Koordinazio laguntzailea, Herriko mantentze-lanen agenteak, Herri-bideen aztertzailea eta Hizkuntza Gaitasunean aditua kontratatu dituzte.