Glaukoma Sound System, Dolce Tangana eta Atila y los Unos taldeak bihar, asteazkena, kontzertua emango dute, 22:30etik aurrera, Bonberenean. Emanaldia, Bonberenearen 14. urtemugako ekitaldien barruan antolatu dute.
Hiru taldeak Tolosakoak dira. Glaukomakoek bere reggae doinu dantzagarriak eramango dituzte. Dolce Tangana Bonberenea bertako jendea da, «zazpi gazte mundua jateko asmotan». Ska doinuak joko dituzte. Bukatzeko, Atila y los Unos taldearen rock musika entzun ahal izango dute kontzertura joaten direnek.