Tolosako Musika Bandak udazkeneko kontzertua eskainiko du Zerkausian, bihar, 19:00etan, Luis Maria Gartziaren zuzendaritzapean. Film ezagunetako musika entzuteko aukera izango dute emanaldira joaten direnek.
Denetariko filmen doinuak entzun ahalko dira: musikalak, western generokoak, erromatarrenak, gerrakoak, piratenak,... Hain justu, ondorengo filmetako musika joko dute: The bridge over the River Kwai, Out of Africa, The entertainer, Titanic, Ben Hur, The mission, Moment of Morricone, Pirates of the Caribbean, The Magnificent Seven eta West Side story. Guztira, beraz, hamar obra joko dituzte.