Arriaran gasolindegiak eta Tolosa&Co merkatarien elkarteak sinatu duten hitzarmenaren ondorioz, Tolosa&Co Visa txartelarekin ordaintzen dutenek gasolina %2 merkeago izango dute urriaren 15etik aurrera. Jon Ander Mitxelenak, Arriaran gasolindegia ordezkatuz, eta Pedro Tolosa Tolosa&Co elkarteko lehendakariak sinatu dute akordioa. Elkarteko Visa tolosarrek egunerokotasunean erabiltzen duten txartela izatea dute helburu merkatariek, eta asmo
horren barruan bideratu dute Arriaran gasolindegiarekin atzo egindako hitzarmena.