Aurten ere Igarondo Urpekoak taldeak Roberto Jaureguiren oroimenezko hegats igeriketa txapelketa ospatuko du Usabalgo kiroldegian, hilaren 28an. Txapelketa goizez eta arratsaldez burutuko da; goizean 10:00etan, eta arratsaldean 16:00tan hasiko da. Taldeak 30 urte betetzen ditu aurten eta hau behar den bezala ospatzeko estatu mailan dauden igerilari infantil eta kadete onenak bilduko dira Tolosan larunbatean. Egunari amaiera emateko afaria egingo dute.
IX. jardunaldi honetan bost erkidegoko 160 igerilari arituko dira uretan, bi maila desberdinetan banatuta, 12-13 urtekoak alde batetik eta 14-15 urtekoak bestetik.