Tolosako gazteek laugarren urtez hartuko dituzte herriko kaleak maiatzaren 21ean. Festa, orain arteko edizioetan bezala, herrikoia, euskalduna, eta parte hartzailea izango argitu zuten atzo, antolatzaileek, GKo Galerian egindako aurkezpenean. Festarako egindako logo berriaren aurrean jai egunaren nondik norakoen berri eman zuten, eta aurten ere, bigarren aldiz, baltsen jaitsiera egingo dutela argitu zuten.
Horiek horrela, maiatzaren 21ean 11:00etatik aurrera izango dira ekitaldiak; kalejira, bazkaria, jolasak, kontzertuak... Baltsen jaitsiera 13:00etan izango da eta ferialekuan egin daitezke. Interesa dutenek txapinfesta@gmail.com helbidera idazteko esan zuten.
Egitaraua:
11:00: Gazte lokaletatik kalejira musikaz languduta. Berazubiko lokaletan hasiko dute kalejira.
13:00: Baltsa jaitsiera Igarondo paretik irtenda.
14:30: Bazkaria plaza Berrian
16:30: Bertsolariak sortu berri den Tolosako Bertso Eskolaren eskutik
17:00: Jolasak
19:30: Kontzertua (oraindik taldea zehaztu gabe dago)
21:30: Zahagi ardoa. Mahaiak eta sagardo kupela jarriko dituzte
22:30: Switch eta Keiran taldeen kontzertuak
00:30: Dj ak eta eskaintza bereziak tabernetan