Datorren igandean Herri Urrats ospatuko dute Senperen (Lapurdi). Iparraldeko ikastolen festa honetara joateko, Galtzaundik Euskara Taldeak autobusa antolatu du. Irteera 09:00etan izango da tren geltokitik, eta Senperetik 19:00etan irtengo dira, Tolosara itzultzeko. Prezioa 12 eurokoa izango da, eta bazkideentzat berriz, 10 eurokoa. Izen-ematea Galtzaundiko erredakzioan bertan egin daiteke, edo bestela, 943 65 50 04 telefonoan.