Anadir elkarteak Tolosan bilera egin zuen atzo, eta jende ugari gerturatu zen bertara. Haur lapurreten kasuak agertzen hasi zirenean, kaltetuek Anadir elkartea sortu zuten. Gipuzkoan, Bizkaian eta Araban 400 salaketa bildu dituzte jadanik, eta horietatik 30 eskualdekoak dira. Atzoko bileran, Tolosako Udalak onartu berri duen mozioa aztertu zuten besteak beste. Tolosako udal ordezkariak ere bertan izan ziren, euren elkartasuna eta laguntza eskaintzeko asmoz.