Tolosako Musika Bandak ohiko Gabonetako kontzertua emango du hilaren 24ean, 12:30ean, Trianguloa plazan. Luis Mari Garciak zuzenduko du emanaldia eta bi zatitan bederatzi obra joko dituzte.
Besteak beste, Eguberriei lotutako abestiak joko dituzte Musika Bandakoek. Lehen zatian lau obra emango dituzte: Gora Kaletxiki (Joxe Mari Oiartzabal), Triptico vasco (Rodrigo A. de Santiago), Jeiki, jeiki (Tomas Araguesek moldatua) eta Lepoan hartu ta segi aurrera (Tomas Araguesek moldatua).
Bigarren zatian beste bost pieza joko dituzte musikariek: Olentzero (Iñaki Urkizuk moldatua), Seaskan (Johannes Brahms), White Christmas (Irvin Berlin), Hator, hator (Tomas Araguesek moldatua), eta Olenzaro (Eduardo Mokoroa).