Tolosa saria batelen estropadak izango dira lehen aldiz igandean, Oria ibaian. Tolosaldeko Arraun Klubak antolaturiko ekimena, 11:00etan hasiko da, eta Gipuzkoako kadete eta infantil taldeen lehia hartuko du.
Estreinakoz egingo duten jarduera honetan infantil mailako 18 talde, etorkizuneko emakumezkoen 8 talde eta kadeteen mailako 14 talde erlojuaren aurka lehiatuko dira.
Arraun Federazioak arau bezala jartzen du parte hartzen duen talde bakoitzak bere uretan arraunketaren bat behintzat antolatu beharra duela. TAKetik azaltzen dutenez, «orain arte ez da posible izan, Oria ibaiak baldintzak ez zituelako betetzen». «Genuen ametsa azkenean errealitate bihurtu da etziko probarekin», diote.