Estitxu Pinatxo eta Mikel Sanchez, Ostiral Kulturalean

Bueltan dira Ostiral Kulturalak Orexara. Dama Beltzak emanaldiaz gozatzeko aukera izan zuten bertaratu zirenek, Estitxu Pinatxo abeslari beratarraren eta Mikel Sanchez gitarjole lesakarraren eskutik.

Musikaren bitartez, iraultza eta borroka egin zuten dama beltz batzuei merezitako errekonozimendua egin zieten. Mugimendu musikal eta sozialaren erreginak izan ziren, besteak beste, Ella Fitzgerald, Nina Simone, Roberta Flack, Etta James eta Aretha Franklin. Bost emakume horien bizitzak kontatu eta haien abestiak kantatu zituzten emanaldian.

Martxan da beraz kultura ere Orexan. Abendura bitartean beste hainbat Ostiral Kultural antolatzen ari dira antolatzaileak, eta esan dutenez, lotzen dituzten heinean argitaratuko dituzte data berriak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!