Gaur ekingo diote Kultur Hamabostaldiari, Orexan

Gaur ekingo diote Kultur Hamabostaldiari, Orexan

Gaur hasiko da Orexako Kultur Hamabostaldia 'Sexijentziak askatuz' lanarekin; igandeko irteera bertan behera utzi dute.

Igandean urteroko Orexa-Uitzi irteera egitekoak ziren, baina eguraldi iragarpena dela eta, bertan behera uztea erabaki dute, eta udaberrian egingo dute.

Kultur Hamabostaldiko lehen etenaldia eta gero, asteazkenetik aurrera egongo dira hurrengo ekitaldiak. Asteazkenean bertan, Lankuren Izeba Tekla emanaldia egongo da lehenik, eta gero, Jan Tolosaldea proiektura gerturatzeko aukera izango dute, bideo emanaldi eta mahai inguru baten bidez, besteak beste, Tolomendiko Iker Karrerak emango ditu azalpenak.

Azaroaren 1ean Saharar Eguna ospatuko dute. Euren bizimodua ezagutzeko aukera emango dute eta baita saharar jakiak dastatzekoa ere; kuskusa eta arkumea izango dituzte. Musikaren tartean Adunako Beñat Igerabide gonbidatu dute. Azaroaren 2an aurkeztuko du bere azken lana, Geldialdi bakoitzean izenekoa.

Azken egunerako, azaroaren 3rako, utzi dute herri afaria eta musika ere izango dute ondo bukatzeko.

Egitaraua

GAUR, URRIAK 26

  • 22:00. Sexijentziak askatuz antzezlana, Bazen Behin clown-en eskutik.


BIHAR, URRIAK 27

  • 16:30. Haurrentzat merienda.
  • 17:00. Haurrentzat film emanaldia: Nur eta herensugearen tenplua.
  • 22:00. Aralar, mundua leku den lurra dokumentala.


URRIAK 31, ASTEAZKENA

  • 10:00. Musika, jolasa eta pianoa uztartzen dituen Izeba Tekla emanaldia.
  • 22:00. Jan Tolosaldea proiektua aurkezteko bideo emanaldia eta ondoren, mahai ingurua.


AZAROAK 1, OSTEGUNA

  • 12:30. Saharako egunerokotasuna erakusteko ikus-entzunezkoa.
  • 14:00. Saharar bazkaria.


AZAROAK 2, OSTIRALA

  • 22:00. Beñat Igerabide adunarrak kontzertua eskainiko du eta Geldialdi bakoitzean diskoa aurkeztuko du.

AZAROAK 3, LARUNBATA

  • 21:00. Herri afaria.
  • Ondoren, Puro Relajo taldeak mexikar musika eskainiko du eta gero, DJ Txoko ariko da.

 

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!