Afaria 20:30ean izango da eta izena aurrez eman behar da 943 68 22 90 telefono zenbakira deituta. Hitzaldia gero izango da, 22:00etan.
Ez da Lolita Chavez Euskal Herrian egiten duen egonaldi bakarra, aurrez ere hainbat hitzaldi eskaini izan ditu. Chavezek (Santa Cruz del Quiche, Guatemala, 1972) hainbat mehatxu eta eraso jasan izan ditu Guatemalan enpresa handien interesen kontra eta herritarren alde egiteagatik. Pasa den ekainaren 7an, meategi baten aurkako ekinaldi batetik zetorrela, gizon talde armatu bat bera hiltzen saiatu zen ere. Mendira ihes egin zuen, eta hainbat lagunen eta ekintzaileren laguntzaz ihes egitea lortu zuen, eta ondorioz, Emakumeen Mundu Martxak gonbidatuta Euskal Herrian ematekoak zituen hitzaldiak bertan behera utzi behar izan zituen. Izan ere, bere bizia arriskuan ez jartzeko, ezkutuan egon behar izan zuen, baina orain helburu du Europan ezagutaraztea bere herriko egoerari aurre egitearren kitxe herria egiten ari den borroka. Lan horregatik, Ignacio Ellakuria saria eman diote aurten.