Orendaingo artisau azokan postua jarri nahi dutenek zabalik dute izena emateko epea. Apirilaren 19an izango da azoka, eta aurrez egin beharko dute eskaera postua jarri nahi duten artisauek, ekoizleek zein taldeek. Dagoeneko zabalik dago horretarako epea, eta otsailaren 22a izango da azken eguna.
Bi modutan egin daiteke izen-ematea: batetik, aurrez aurre, Orendaingo udaletxeko bulegora bertaratuta; eta, bestetik, Internetez, udalaren web orrialdean. Zein eskaera onartu dituzten martxoaren 11n jakinaraziko dute. Apirilaren 19an, ohi bezala, Urritzondo pilotalekuan egingo dute azoka, 10:30etik 14:00etara.