Maiatzean amaitu zituzten frontoia, jolaslekua eta ingurua berritzeko lanak eta espazioa inauguratu bazuten ere, izena falta zuen, oraindik, jolastokiak. Orendaindarrek izenak proposatzeko denbora izan zuten eta, bozkatu ondoren, dagoeneko, badu izena: Damasoro parkea.
Aurkeztu zituzten proposamenetatik hiru aukeratu zituen herriko udalak —egokienak iruditu zaizkionak—: Damasoro parkea, Astigar parkea eta Intxaurralde parkea. Eta joan den abenduan izan zuten aukera herritarrek izenik gustukoena bozkatzeko.
