Orendainen meza izan dute lehenik eta hamaiketakoa egingo dute gero. Bazkaltzeko ere bilduko dira Eltxoak elkartean.
Orendain, dena den, ez da San Sebastiani eskainitako baseliza duen Tolosaldeko herri bakarra; Berrobin, Berastegin eta Leaburu-Txaraman ere badira San Sebastian ermitak. Berastegin ere meza izan dute eta hamaiketakoa egiteko bildu dira ondoren. Eta Berrobin arratsaldez egingo dute meza; 16:00etan bilduko dira ermitan eta merienda egingo dute gero.
Leaburu-Txaraman berriz, bihar ospatuko dute San Sebastian. 10:30ean egingo dute meza, eta dantzarien emanaldia izango da bukatutakoan. Ohi bezala Ostatuan bilduko dira herritarrak, hamaiketakoa egiteko.