Zein ikastaro martxan jarri ahal diren ikusteko, izena emateko orriak betetzeko aukera eman du. Matrikula orria aurrerago bidaliko zaie interesatuei, egingo diren ikastaroak zehazten direnean.
Izena emateko orrian aurreko urtean egindako ikastaroen zerrenda eta herritarren artean proposatutako beste batzuk azaltzen dira. Baita ere hiruhilabeteko ikastaroak, eta horrez gain herritarren artean bildurik antolatu daitezkeen ekintzak.
Zerrendan azalduagatik, ez du esan nahi horiek guztiak egingo direnik. Ikastaroa gauzatu ahal izateko, gutxienez 5 parte hartzailek izena eman beharko dute. Baldintza hau betetzen ez bada, ikastaroa ez da antolatuko.
Izena emateko orria beteta jasotzeko epe muga Irailaren 4a izango da. Udaletxeko idazkaritzan utzi daiteke, udaleko buzoian, posta elektronikoz bidali edo bestela udaleko teknikariak jasoko du etxez etxe.
Lehengo urtean bezala, udalak herritarrei laguntza eskainiko die ikastaroetan parte hartzeagatik. Urte osoan jaso daitekeen gehienezko laguntza 200 eurokoa izango da, ikastaro guztiak kontutan izanda.