MAKILhotsak Euskal Herriko makil-dantzak, Kataluniako balls de bastons eta dantza garaikidea uztartzen dituen ikuskizuna da, Hika Teatroak eta Oinkari dantza taldeak elkarlanean sortua. Kantuak eta testuak ditu ere bai; esaterako, Santa Ageda kantuko egokitzapen batekin hasiko da, herri bakoitzeko abesbatzaren kolaborazioan egina. Ikuskizunaren ardatz nagusia «instumitsioa» da, gerraren aurkako eta naturarekin berradiskidetzeko aldarrikapena baita: «Gerra hotsak isilarazteko, lurra joz udaberriari deituko diogu».
Ikuskizun berri honen estreinua ekainaren 14an egingo dute Gasteizen, baina aurretik, entsegu orokorra egingo dute Lizartzan. Ekainaren 7an izango da, 19:00etan, Lizartzako plazan. Lizartzako Udalak hori ikustera joateko gonbita zabaldu du.