Pozik agertu da Asier Ibaibarriaga, joan den ostiralean, Lizartzako udaletxean egin zuten aurkezpenarekin. «Inoiz egin dugun aurkezpen jendetsuena izan zen eta erantzun oso onak jaso genituen. Herritarrek interesa agertu zuten eta gu pozik geratu ginen emaitzarekin». Ibaibarriaga Edurne San Martinekin batera Pello Rubioren bizipenak azaleratu zituen, Txillarreko sukaldaria. Pello Rubiori elkarrizketa liburuan. Horrekin batera dokumentala ere sortu zuten.
Orain herriz herri ari dira aurkezpenak egiten, eta eskualdeko lehena izan zen joan den ostiralean Lizartzan egin zutena. Datozen hilabeteetan eskualdeko beste hainbat herritan izango dira. Hala nola, azaroaren 7an Anoetan, abenduaren 10n Tolosan, eta otsailaren 6an Altzon.