Martxan jarraitzen du, pasa den azaroan, Lizartzako Otsabio kirol elkarteak abiatutako 4 Gaztelu ekimena. Lehen ibilbidean Aralarko Ausa gaztelura igo ziren herritarrak, bigarrenean Nafarroako Gorritiko gaztelura, eta hirugarrenean, berriz, Garañoko gaztelura. Laugarren ibilbideari eutsiko diote asteburuan eta Irurtzungo Aixita gaztelura igoko dira igandean.
Kotxetan abiatuko dira 8:30etan Lizartzako plazatik eta, ohi moduan, bi ibilbide izango dituzte aukeran. Ibilbide luzea egin behar dutene , 10 kilometro eta 650 metroko desnibel positiboa duen ibilbidea egin beharko dute, eta ibilbide laburra aukeratzen dutenek, 5,5 kilometro eta 560 metroko desnibel positiboa egingo dute.