Martxan jarraitzen du, azaroan, Lizartzako Otsabio kirol elkarteak abiatutako 4 Gaztelu ekimena. Lehen ibilbidean Aralarko Ausa gaztelura igo ziren herritarrak, eta bigarrenean, berriz, Nafarriako Gorritiko gaztelura. Hirugarren ibilbideari eutsiko diote oraingoan, eta hala, larunbatean, Garañoko gaztelura igoko dira.
Kotxetan abiatuko dira 8:30etan, Lizartzako plazatik, eta ohi moduan, bi ibilbide izango dira aukeran. Ibilbide luzea egin behar dutenek 12 kilometro eta 800 metroko desnibela duen ibilbidea egin beharko dute, eta ibilbide laburra egin behar dutenek, berriz, 4 kilometro eta 200 metroko desnibelekoa.