Ezkurdia erraz nagusita da Eibarko Astelena pilotalekuan Erik Jakaren aurka jokatutako finalerdian (22-2), finalerako txartela eskuratuz. Arbizuko pilotariak Buruz Buruko bere lehen finala jokatuko du maitzaren 29an Iruñean beste nafar baten aurka: Unai Laso.
Gaurko finalerdia azkar joan da, Ezkurdia hasieratik nagusitu baita. Lehen tantoa egin ostean, beste 13 tanto egin ditu jarraian Arbizuko pilotariak. Ezkurdiaren huts baten ondorioz, markagailua 14-2ra jarri da, baina Jakak ezin izan dio buelta eman.
Ezkurdia indartsu aritu da partida guztian zehar, Jaka nahieran mugituz eta inongo aukerarik utzi gabe. Erritmoa jarraitzea kostatu zaio Lizartzako pilotariari. Horrela, azken tantorako bidea erraz eta azkar izan du Ezkurdiak. Azkenean, 22 eta 2 gailendu da, eta bera izango da Unai Lasoren aurkaria finalean.