Lizartzako 2022ko egutegia osatzeko, argazkiak aukeratzeko egitasmoa jarri du martxan Kalamatrikek, udalaren laguntzarekin. Herritarrei dei egin die argazkiak bidaltzeko. Ondoren, aurkezten diren argazkien artean, herritarrek bozketa bidez aukeratu ahal izango dituzte egutegian zein argazki agertuko diren.
Garai bateko zein gaur egungo argazkiak jaso nahi dituzte, eta honakoa da gaia: Lizartza eta lizartzarrak lau urtarotan. Argazkiak kalamatrike@gmail.com helbidera bidali beharko dira urriaren 31 baino lehen. Pertsona bakoitzak argazki bat aurkeztu ahalko du.