Erik Jaka pilotariak hobera egin du. Perikarditisa diagnostikatu diote eta Bilboko Zorrotzaurre Klinikan jarraitzen du. Baiko enpresak jakitera eman duenez, tratamendua jasotzen ari da. Ziurrenik bihar emango diote alta.
Lizartzarrak lau eta zortzi aste arteko errekuperazioa beharko duela aurreikusi dute, beti ere, eboluzioaren arabera. 
Honenbestez, egungo buruz buruko txapeldunak ez du parte hartuko bihar Donostian aurkeztuko den Buruz Buruko Txapelketan, eta bere tokia Arteaga II.ak beteko du.