Enpresa berriarekin lehena izan arren, ez zen partida erraza izaten ari lizartzarrarentzat. Hasieratik, abantaila handiarekin izan da Aspeko bikotea. 18 eta 8 zihoazela, bigarren atsedenaldi luzean, aldageletarako bidea hartu du Jakak, ondoezik sentitzen zelako. Ez du lesiorik izan, ezta zaintiraturik ere. Baiko enpresak Atariari jakinarazi dionez, "arnasa hartzeko zailtasunak zituela eta, obserbazioan" zegoen Baikoko aurrelari berria.
Unai Iglesias Baikoko enpresariak adierazi duenez, "apur bat zorabiatuta" zegoen. "Ez du kolperik izan, baina arnasa hartzeko zailtasun handiak zituen, eta orain medikuak egoera aztertzen ari dira. Hasieratik sentitu da ondoezik, baina jarraitzea erabaki du, azkenean partida utzi behar izan duen arte".