Betaurreko moreak jantzi eta idatzi bat edo marrazki bat egiteko proposamena luzatu diete herritarrei Kalamtrike taldekoek. Bakoitzak lan bakar bat aurkeztu ahalko du martxoaren 15a baino lehen. Ipuinak, olerkiak, bertsoak, ilustrazioak edota kontakizunak izan daitezke.
Testuen kasuan, gehienez 6000 karakterekoa izan beharko du, eta ilustrazioaren kasuan, orrialde batekoa, hau da, A4 tamainakoa. Lan bakoitzean egilearen izen-abizenak eta izenburua idatzi beharko dira. Lanak kalamatrike@gmail.com helbidera bidali ahalko dira, edo bestela, goizez udaletxean edo arratsaldez liburutegian utzi daitezke. Jasotzen dituzten lan guztiekin bilduma bat osatuko dute.