Ezkio-Itsason gertatu da ezbeharra, langilea aurretik moztutako enbor baten adarrak kentzen ari zela izandako lan istripuan. 53 urte zituen.
ELA sindikatuak ohar batean jakinarazi duenez, biktima Lizartzako Basalan Arrospide enpresakoa zen eta aurretik moztutako enbor batean adarrak kentzen ari zela jo du beste adar batek.
Eusko Jaurlaritzako Segurtasun sailak jakitera eman duenez, 10:35ean gertatu da ezbeharra. Zauritua Donostiako Ospitalera eraman dute eta ordu batzuk geroago hil da.
ELAk esan du Gipuzkoan urteko lehen lan heriotza izan dela, eta bigarrena EAEn.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!