Lizartzako Udalak iraileko lehen astean ospatu beharreko jaiak ez antolatzea erabaki du.
Irailaren hasieran ospatzen dituzte herriko festak Lizartzan, eta udalak gaur jakitera eman duenez, bertan behera utziko ditu.
Covid-19ak eragindako osasun-larrialdi egoera aintzat hartu dutela azpimarratu dute, eta EUDEL-ek ezarritako jarraibideak oinarri hartu dituztela festak ez antolatzeko.
Erabakia "mingarria" dela onartu dute udaletik, baina "arduraz jokatzea ezinbestekoa dugu", argitu dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!