Lizartzan egindako mobilizazioan presente izan da Haimar Altuna bera. EH Bilduren izenean hitz egin du Eneko Maiozek, eta esan du EH Bildutik irakurketa "zorrotza" egin nahi dutela atxiloketen inguruan: "Iruditzen zaigu atxiloketak, zuzenean momentu politikoari erantzuten dioela; EH Bilduk errail demokratizatzaile bat hartu du eta iruditzen zaigu horri erantzuten diola atxiloketa hauekin". Argi utzi du EH Bildu errail horretatik atera nahi badute, ez dutela lortuko. "Badakigu autoritarismo hori Espainian zer indar hartzen ari den, eta hau seinale bat besterik ez dela izan", gaineratu du Maiozek.
