100 herritarretik gora elkartu dira Lizartzako Goikoetxea sagardotegian Elisa Agirre erizaina omentzeko. 40 urtean izan da Agirre Orexa, Gaztelu eta Lizartzako erizaina eta emandakoa itzuli nahi izan diote gaur. Guztiek batera bazkaldu dute, eta amaieran, hainbat opari ere eman dizkiote.
"Egoera zailei aurre egitea" eskertu diote eta "beste lizartzatar bat gehiago" dela ere esan diote. Lizartzatik sendagile asko pasa diren arren, Agirreren bitartekaritza izan dute batetik bestera informazioa igarotzeko. "Eskerrak eman dizkizugu gurekin jarritako arreta eta pazientziarengatik, aholku eta harrera onarengatik eta momentu zail askotan egindako psikologo lanarengatik", esan diote lizartzarrek, eta, aldi berean, erretiroaz gozatzeko ere opatu diote. Agirrek, bere aldetik, maite dituela eta ez dituela inoiz ahaztuko esan die.
