Gipuzkoako Herri Txikietako Areto Futbol Elkarteak antolatuta, hilaren 2an, larunbatean, I. Gabonetako Torneoa jokatu zen Lizartzan. GAEL taldeko jokalariek, Xota, Aurrera Leitza eta Larderoren aurka jokatu zituzten partidak, bi mailatan banatuta.
Lehen urteko infantiletan, Irurtzungo Xota taldeak lortu zuen garaipena bi partidak irabazita. Aldiz, bigarren urteko infantiletan, GAEL taldea osatzen duten gazteentzat izan zen garaipena seina golekin bi partidak irabazita. Harmailak ia guztiz beteta, ikusmina sortu zuen Gabonetako Torneoak.
Antolatzaileek, parte hartu duten taldeen «maila handia» nabarmendu dute. Bestetik, munduko txapeldun diren herri txikietako haurrek etxean jokatzeko aukera izan dute, eta elkartea «oso gustura» agertu da egiten ari den lanarekin, eta gaur egun, haurrek herrian bertan futbolean jokatzeko duten aukerarekin.
Lehen urteko infantilak
Emaitzak
Aurrera Leitza - Xota 2-5
GAEL - Aurrera Leitza 4-2
GAEL - Xota 1-2
Sailkapena
1. Xota 6p
2. GAEL 3p
3. Aurrera Leitza 0p
Bigarren urteko infantilak
Emaitzak
GAEL - Aurrera Leitza 6-2
Aurrera Leitza - Lardero 1-4
GAEL - Lardero 6-3
Sailkapena
1. GAEL 6p
2. Lardero 3p
3. Aurrera Leitza 0p