Urteroko moduan, Leaburu-Txaramako herritarrak Larresorora joango dira. Izan ere, igandean Larresoroko Harriz-zubiko festak ospatuko dituzte eta herritarrek hara joateko aukera desberdinak izango dituzte. Batetik, herritar talde bat bihar abiatuko da Larresorora. Horretarako, 9:00ak aldera, Leaburutik Amaiurrera bizikletaz joango dira, eta hurrengo egunean, zaldiz jarraituko dute Amaiurretik Larresorora.
Bestetik, Leaburu-Txaramako Udalak autobusa antolatu du iganderako. 8:45ean abiatuko da Leaburuko plazatik eta geldialdia egingo du 9:00etan Txaramako paper-fabrikako autobus geltokian.