Euskal Herrira ekarriko dituzten presoen artean dago Andoni Otegi leaburuarra. Hain justu, gaur bete dira bi urte Almeriako espetxetik Logroñokora lekualdatu zutela. 2002tik dago espetxean Otegi; Frantzian pasa zituen lehen urteak.
Honako hau da lekualdatuko dituzten gainerako presoen zerrenda: Iratxe Sorzabal Madrilgo Estremerako espetxetik eramango dute; Alcala Mecotik, Itziar Moreno; Dueñasetik (Palentzia), Mattin Sarasola eta Beñat Aginagalde; El Duesotik (Kantabria), Julen Atxurra eta Beatriz Etxebarria. Azkenik, Gurutz Agirresarobe, Asier Arzalluz, Harriet Iragi eta Iker Olabarrieta Logroñotik ekarriko dituzte Euskal Herrira. Orain, Jaurlaritzari egokituko zaio bakoitza ze espetxetara eramango duen erabakitzea: Zaballara, Basaurira edo Martutenera.