Espainiako Espetxe Erakundeek jakinarazi dutenez, sei euskal preso lekualdatuko dituzte. Antton Troitiño, Mikel Arrieta, Andoni Otegi eta Aitzol Maurtua Soriara, Dueñasera eta Logroñora hurbilduko dituzte. Victor Franco eta Agustin Almaraz, berriz, Andaluziatik Madrilera mugituko dituzte.
Espetxe Erakundeek jakinarazi dutenez, kartzelako legedia onartu dute presoek, eta gehienek beteak dituzte zigorraren hiru laurdenak. Otegiren kasuan, 2031n beteko lituzke kondenaren hiru laurdenak: hainbat atentatu eta Jose Ramon Rekalde Eusko Jaurlaritzako Hezkuntza eta Justizia sailburu ohiaren hilketa saiakera leporatuta dago espetxean.