Igandean, Leaburun Afestta elkarteko bazkaria ospatu zuten. Afestta Tourette sindromearekin lotuta dago eta sindrome horrek afektatu dituztenei eta euren senideei laguntzen die. Euskal Herri mailan lan egiten duen elkartea da eta urtero bazkari bat egiten dute guztiak elkartzeko. Igandean, Leaburuko Ostatuan 150 pertsona bildu ziren bazkaltzen eta Porrotx pailazoa ere bertan egon zen bazkaria alaitzen eta umeekin jolasten. Afestta elkarteko kideak gustura gelditu ziren egunak emandakoarekin: "Giro parebagea izan zen, bazkari eta edari ezin hobea izan genuen, eta guztia Leaburuko ostatuaren kolaboraziarekin".