Leaburu-Txaramako erretirodunek euren eguna ospatuko dute igandean, hilaren 22an. Hasteko, meza izango dute eguerdian, eta mezaren ostean, herriko dantzarien emanaldiaz gozatu ahalko dute. Gaztetxoen dantza saioaren ondoren, erretirodunen arteko toka txapelketa egingo dute plazan bertan. Nahikoa jolas egin ostean bazkari legea egiteko elkartuko dira denak Leaburuko Zazpi Bide elkartean. Ederki jateaz gain, bertso ederrak entzuteko parada izango dute, Irazu eta Peña bertsolariak izango baitira, eta baita herriko trikitilariak ere.