Leaburu-Txaramako Udalak irteera antolatu du Larresorora datorren iganderako, hilak 21, Harrizko Zubiko festan parte hartu nahi dutenentzako. Bazkaria, musika, kantuak, bertsolariak, zozketa eta taloak izango dira, besteak beste. Udalak autobusa jarriko du joan nahi duten herritarrentzako. Izena emateko udal bulegoetara deitu behar da, 943 67 59 31 zenbakira. Horretarako azken eguna bihar, ostirala, izango da.
Iragan apirilean izan ziren Larresoroko lagunak Leaburura bisitan, eta orain leaburuarrak joango dira hara. 1996. urteko XIV Orduko Ibilaldian ezagutu zuten elkar leaburuarrek eta larresoroarrek.