Kadete mailan 12-22 galdu dute Otaegi eta Irazu larrauldarrek Sarasua eta Artetxeren aurka. Partidaren erdira arte lortu diote eustea etxekoek, baina gero hautsi egin da partida. Jubeniletan 6-22 galdu dute Belaunzaran eta Otaegi larrauldarrek Labaka eta Ezamaren aurka. Nagusietan 20-22 galdu dute Urbieta eta Esnal larrauldarrek Egiguren eta Labakaren aurka. Irabazteko zorian izan dira, 20-18 irabazten joan baitira, baina azkenean ez da posible izan.
Iñaki Esnal nagusietan aritu den pilotarietako batek azaldu duenez, «festa polita izan da pilotalekuan. Gainera, azken partidan emozioa izan da, eta horrek ere giro gehiago jarri du». Bueltako jardunaldia datorren ostiralean izango da, Azpeitian, 22:00etatik aurrera.