Gipuzkoako Errotagintza Topaketa egin dute gaur Larraulen, bertako udalaren babesarekin. 10:00etan ongi etorria eman diete bertan bildutako errotari eta herritarrei, eta ondoren, Larraulgo ondarearen inguruko aurkezpena egin du Nora Urbizuk. Alex Roteta oiartzuarrak, berriz, Gipuzkoako erroten inguruko begirada propioa eskaini du hitzaldi batean.
Martxoaren 8an, Gipuzkoako Erroten Egunaren harira herrialdeko 33 herritan egingo diren 40 ekintzen inguruan ere aritu dira gaurko saioan. Gaurko topaketa amaitzeko, hamaiketakoa egin eta Larraulgo Txuringadi errotara gerturatu dira parte hartzaileak.