Haizea nagusi izan bada ere, eguraldia alde izan dute korrikalariek aurtengo proban. 10:30etan eman diote hasiera lasterketari eta gizonezkoetan helmuga zeharkatzen lehena izan da Hassan Ait Chaou billabonatarra, 1:15:52ko denborarekin. Billabonatarrak atzetik izan du Josu Urrestarazu, baina azkenean, bigarren postuan geratu da 1:18:15 denborarekin. Hirugarren postua berriz, Aitor San Sebastian zizurkildarrarentzat izan da, 1:20:57 denborarekin.
Emakumezkoetan lehena Laiane Arrospide tolosarra izan da, 1:37:55ko denborarekin. Arrospideren atzetik segundo gutxira zeharkatu du helmuga Rosa Uribek, 1:38:45 denborarekin. Hirugarren postuan Ainhoa Jauregi geratu da, 1:46:27 denborarekin.
Unai Usandizaga izan da helmuga zeharkatzen lehen herritarra, 1:28:40 denborarekin.
Fermin Agirreri omenaldia
Lasterketari hasiera eman baino lehen, iazko urriaren 10ean hil zen Fermin Agirre herritarra omendu dute. Bere alaba Ione Agirre izan da bertan, zeinak oroigarri bat jaso duen. Horrez gain, lasterkariek eta bertaratu direnek Karlos Irazuren eskutik egindako bertsoa abestu dute.
SAILKAPENAK
Gizonezkoak:
1. Hassan Ait Chaou, 1:15:52
2. Josu Urrestarazu, 1:18:15
3. Aitor San Sebastian, 1:20:57
Emakumezkoak:
1. Laiane Arrospide, 1:37:55
2. Rosa Uribek, 1:38:45
3. Ainhoa Jauregi, 1:46:27
Lehen herritarra:
Unai Usandizaga, 1:28:40