Manual de cocina bellotera para la era postpetrolera (Nola egin ezkur sukaldaritza, petrolio aro osteko bizitzan) liburuaren egilea da Cesar Lema biologo galiziarra. Elikagai gisa ezkurraren balioa ezagutarazten dabil eta Larraulen emango ditu azalpenak datorren azaroaren 30ean. Segidan, Goiabe Sukaldeko Asier Bastarrikak ikastaro praktikoa eskainiko du. Tailerrean izen emateko, aurrez jakinarazi beharko da kultura@larraul.eus helbidean edo 634 289 327 telefonoan.
Kultur asteko egitaraua, ordea, larunbatean abiatuko da Laguardiara egindako irteerarekin. Udaletik jakinarazi dutenez, ostiralean izango den sagardo dastatze gidaturako izena eman beharko da aurrez eta egun horretan bertan izango den bertso afarirako txartelak, 20 euroan salgai izango dira Larraulgo Zirta Ostatuan.
EGITARAUA
Azaroak 23, larunbata
08:00.Irteera Laguardiako Eguren Ugarte bodegara.
10:00.Hamaiketakoa Briñasen.
11:00-12:30.Bisita Laguardia herrian.
13:00.Eguren Ugarte bodegara bisita, ardo eta pintxo dastaketarekin. Ondoren.Bazkaria.
Azaroak 25, astelehena
18:00. Larraulgo gazteen eskutik, argazki diaporama egingo da kutur etxean.
19:00. Basker dokumentala eta hitzaldia Argibel Euba antropologoaren eskutik. (Dokumental hauek, 1960 hamarkadan dokumentalista suediarrek Euskal Herrian grabatutako kultur adierazpen ezberdinak jasotzen dituzte).
Azaroak 26, asteartea
19:00.Gorka Garmendiaren BA, edo munduen arteko orekaliburuaren aurkezpena eta hitzaldia.
Azaroak 28, osteguna
16:30. Bizitzaren laborategian ipuin kontaketa eta zientzia esperimentuak Ana Galarraga Aiestaran zientzialariaren eskutik.
Ondoren.Haur merienda Katilutxulo elkartean.
19:00. Hika egingo al diñagu? mahai ingurua Eli Pagola eta Oihana Iguaran bertsolariekin kultur etxean. Ondoren, hika-poteoa ostatuan.
Azaroak 29, ostirala
19:00.Sagardo-dastatze gidatua egingo dute Astigarragako Astarbe sagardotegiko arduradunek Katilutxulo elkartean.
21:00.Bertso afaria Larraulgo ostatuan Amaia Agirre eta Unai Mendizabalekin.
Azaroak 30, larunbata
09:30.Ezkurra jaten hitzaldia Cesar Lema biologoarekin kultur etxean.
11:30. Ezkurra jaten ikastaro praktikoa Asier Bastarrikarekin Katilutxulo elkartean.
16:15.Mus txapelketa Katilutxulo elkartean.
18:00.Patata tortilla lehiaketa zimiterioan.
20:00. Pig&Kiss taldearen kontzertua zimiterioan.
Abenduak 1, igandea
17:00.Larraulgo gazteen eskutik, argazki diaporama Kultur Etxean.
18:00. Talo eta gaztaina jatea Katilutxulo elkartean.
