Ikasturte berriko ikastaroetan izena emateko epea zabaldu dute Larraulen

2019-2020 ikasturterako prestatu dituzte dagoeneko ikastaroak, eta izena liburutegian, telefonoz edota posta elektroniko bidez eman daiteke.

Honako ikastaroak prestatu dituzte Larraulen:

  • Esku pilota. Irailaren 16tik ekainera. 6-14 urte artekoentzat, astelehenetan, 18:00etatik 19:00etara. Larraulen erroldatutakoek 10 euro, eta bigarren seme-alabatik aurrera 7 euro; herrian erroldatu gabeek 20 euro. 
  • Euskal Dantza. Urritik ekainera. Ostegunetan, HH3-HH5ekoak 18:15etik 18:45era, LH1-LH3koak 18:45etik 19:30era, LH4-DBHkoak 17:15etik 18:15era. Larraulen erroldatuak 14 euro eta bigarren seme-alabatik aurrera 11 euro; herrian erroldatu gabeek 28 euro.
  • Eskulanak. Urritik ekainera. Hamar urtetik gorakoentzat, ostiraletan, 17:30etik 19:30era. Larraulen erroldatutakoek 18 euro, eta bigarren seme-alabatik aurrera 13 euro (18 urte baino gehiago dituztenek 33 euro); herrian erroldatu gabeek 33 euro.
  • Zumba. Irailaren 17tik ekainera. 14 urtetik gorakoentzat, asteartetan, 19:45etik 20:45era. 14 eta 16 urte artekoek 12 euro eta 16tik gorakoek 22 euro. Herrian erroldatu gabeek 22 euro.

Udazkeneko tailerrak

  • Garagardo artisaua egiteko tailerra (afari merienda barne). Irailak 7, larunbata, Katilutxulo elkartean. 14:00etan hasi eta bost ordu inguruko iraupena. 15 euroko kostua eta gehienez 12 lagun.
  • Eguberrietako menu bereziak (2 plater eta postrea; egindakoa afalduko da). Azaroaren 15ean eta 29an, Larraulgo Ostatuan, 18:30etik 20:30era. 50 euro saio bakoitzeko (edariak aparte), eta gutxienez 4 pertsona apuntatu beharko dira, eta gehienez 8.

Ikastaroren batean izena eman nahi duenak aukera izango du liburutegira joanda, 634 289 327 telefonora deituta edota kultura@larraul.eus helbidera posta elektronikoa bidalita.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!