Larraulgo Udalbatzak Herri Ostatuaren zerbitzua 5 urtez ustiatzeko esleipen prozesua abian jartzea onartu zuen urtarrilaren 11ko egindako osoko bilkuran.
Prozedura horretan parte hartzeko interesa duenak Larraulgo udaletxeko idazkaritzan aurkeztu beharko du dokumentazio guztia, otsailaren 6a baino lehen. Proposamenarekin batera, Baldintza Ekonomiko-Administratiboen Pleguan eskatutakoa aurkeztu beharko da, hau da, 3.000 euroko bermea. Informazio gehiago 943 693 042 telefonoan edo udala@larraul.eus helbidean eska daiteke.